Idara ya maendeleo ya jamii ni Sekta mtambuka na ni miongoni mwa idara kumi na tatu (13) zinazounda Halmashauri ya wilaya ya Chamwino. Idara inatekeleza majukumu yake kulingana na Miongozo na Sera mbalimbali zinazotolewa na Serikali kwa kuzingatia dira na mwelekeo wa kitaifa na dira ya Halmashauri ya Wilaya ya Chamwino. Pamoja na majukumu hayo Katika kufanikisha na kurahisisha utekelezaji wa shughuli mbalimbali jukumu kubwa la idara ni uhamasishaji ili kufikiwa kwa shabaha za Sera ya Maendeleo ya Jamii ambazo ni zifuatazo:
Kuuwezesha Umma wa Watanzania kujiletea Maendeleo yake wenyewe kwa kufanya kazi za uzalishaji kwa bidii, Maarifa na kwa nidhamu ya hali ya ili wawe na Kipato kikubwa kitakachowezesha jamii iwe na maisha bora kwa njia ya Kujitegemea kwa kutumia Rasiimali tulizonazo.Ni njia hii tu Umaskini Utaweza kutokomezwa hapa nchini.
Kuwawezesha Watanzania walio na Mali kuzitumia katika Mambo yanayoleta Maendeleo.
Kuwawezesha Watanzania walio wengi kuingia katika mfumo wa biashara kwa kubadilishana mali walizonazo kwa kutumia fedha na kutumia fedha hizo kulipia manunuzi ya bidhaa na Utumiaji wa huduma ili kuboresha maisha yao.
Kuwawezesha Watanzania kuingia katika mfumo wa Bajeti na kutumia mapato yao kwa uangalifu na kujenga tabia ya kuweka akiba Benki.
Kuwawezesha Watanzania kuungana katika vikundi na kujenga ari ya kujiongezea maendeleo.
Katika kufanikisha mambo hayo yote idara inafanya kazi kwa kutumia vitengo sita kama vifuatavyo:-
1: Kitengo cha utafiti na mipango
Kuendesha na kuwezesha zoezi la mbinu shirikishijamii
Kuwezesha wanavikundi kuandika mihutasari,katiba, na michanganuo ya miradi
Kusimamia utekelezaji wa mipango, utafiti,mafunzo na takwimu kwa ajili ya shughuli za maendeleo
Kuhamasisha na kushirikiana na uongozi wa vijiji katika kuandaa mipango ya maendelo ya miradi ya kujitegemea
Kubuni mbinu za kukusanya takwimu,kuchambua,tafsiri na kuzitumia kwa shughuli za maendleo vijijini
Kumshari mkuu wa idara katika masuala yote yayohusiana na miradi ya ujenzi na ufundi.
2: Kitengo cha Kikosi cha ufundi na ujenzi vijijini
Kusimamia miradi yote ujenzi inayohusisha nguvu za jamii (zahanati,madarasa, nyumba za walimu na waganga,ofisi za vijiji n.k.)
Uundaji wa vikosi vya ujenzi na ufundi vijijini (village building brigades).
Kutoa mafunzo ya matumizi ya tekinolojia sahihi na rahisi kwa vikosi vya ujenzi na ufundi vijijini.
Kuiwesha jamii (vikosi ) ujenzi wa nyumba bora za gharama nafuu
Kumshauri mkuu wa idara katika masuala yote yayohusiana na miradi ya ujenzi na ufundi
Kubaini na kusaidia vikundi vya ufundi kuhusiania na tekinolojia za ufundi na ujenzi.
3: Kitengo cha Jinsia na watoto
Kuhakikisha kila idara za kisekta zinazingatia katika mipango yao hoja za jinsia kwa mujibu wa mpango mkakati wa maendeleo ya kijinsia
Kuratibu taarifa za utekelezaji za watumishi ngazi ya kata kuhusu dhana ya jinsia
Kutoa mafunzo ngazi ya kata na WDC kuhusu uzingatiaji wa maswala ya ya kijinsia katika kuweka vipaumbele ,upangaji,utekelezaji na tathimini.
Kutekeleza dhana ya jinsia
Kutoa mafunzo ya jinsi kwa vikundi vinavyotoa huduma na vikundi vya uzalishaji mali.
Kutoa na kuratibu mikopo inayotolewa na Halmashauri kwa miradi iliyoibuliwa na kuendeshwa na wanawake
Kumshauri mkuu wa idara katika masuala yote yayohusiana na Jinsia wanawake na watoto.
