Idara ya Ardhi na Maliasili hushughulikia masuala mbalimbali kuhusu uendelezaji wa Makazi, Ardhi na Maliasili. Idara hii inatekeleza na kusimamia Program mbalimbali zinazohusiana na maendeleo ya makazi ikiwemo kuboresha miundombiu ya jamii katika maeneo yasiyopangwa),
Muundo wa Idara
Idara ya Ardhi na maliasili ni mojawapo kati ya Idara za Halmashauri ya Wilaya ya Chamwino zinazofanya kazi chini ya Mkurugenzi wa Wilaya. Idara imegawanyika katika sehemu tano zinazojumuisha Miliki na Maendeleo ya ardhi, Mipango ya Makazi, Uthamini, misitu na wanyamapori na Upimaji na Ramani
Majukumu ya Idara
Kuandaa na kusimamia utekelezaji mipango ya uendelezaji wa ardhi katika Wilaya kwa kuzingatia Mpango Kabambe, Sheria ya Mipangomiji Sura Na. 8 ya mwaka 2007, sheria ya Ardhi na 4 &5 za mwaka 1999 na kanuzi zake pamoja na mingozo mingine inayotolewa na Wizara ya Ardhi, Nyumba na Maendeleo ya Makazi.
Upimaji wa viwanja vya matumizi mbalimbali
Uthamini wa majengo na mazao kwa ajili ya fidia, kodi ya majengo, mauzo, rehani na huduma nyinginezo.
Kuchunguza ramani za ujenzi zinazowasilishwa kwa ajili ya maombi ya vibali vya ujenzi.
Kusimamia utunzaji, kuhifadhi, kuimarisha na kuendeleza rasilimali ya maliasili.
