Chamwino Yapewa Mafunzo Ya Uandaaji Wa Bajeti Yenye Kuzingatia Jinsia

Imewekwa: March 7th, 2024

Taasisi ya kuwezesha wanawake kiuchumi - TWCC imetoa mafunzo ya kuwajengea uwezo Wah. Madiwani, Wakuu wa Idara na Vitengo katika ngazi ya uandaaji wa mipango na bajeti ya mlengwa wa kijinsia katika ngazi ya Halmashauri.

Mafunzo yamefanyika katika ukumbi wa mikutano wa Halmashauri Machi 7, 2024.

Akifungua mafunzo hayo mgeni rasmi Neema Nyalege Katibu Tawala wa Wilaya amewashukuru TWCC kwa uamuzi wao huo wa kuwaongezea ujuzi kwenye masuala ya mipango na bajeti ambao utaongeza tija kwa Halmashauri.

Naye mkurugenzi wa TWCC Mwajuma Hamza amesema mradi huo kwa Tanzania Bara unatekelezwa katika Halmashauri 3 za Chamwino, Ikungi na Mtwara na Zanzibar.

Baada ya mafunzo hayo wajumbe kwa pamoja waliweka maazimio ambayo Halmashauri itapaswa kuyatekeleza ili kuwa na bajeti zenye tija zitakazokuza mapato kwa Halmashauri na wananchi wote kwa ujumla.