OFISI YA CAG YAIPONGEZA CHAMWINO KWA KUPATA HATI SAFI MWAKA 2017/2018

Imewekwa: July 1st, 2019

“Hongereni Halmashauri ya Wilaya ya Chamwino kwa kupata hati safi ya ukaguzi mwaka 2017/2018.”

Kauli hiyo imetolewa Leo Julai 1, 2019 na Bw. Chambi Sasamka Mkaguzi Mkuu wa Nje kutoka ofisi ya Mkaguzi  Mkuu wa Hesabu za Serikali Dodoma kwenye kikao cha Baraza la Madiwani kilichofanyika kwenye ukumbi wa Serikali ya Kijiji cha Chamwino Ikulu.

Katika kikao hicho, Baraza la Madiwani limepitia na kuidhinisha majibu ya hoja 47 ambazo zimejibiwa na tayari hoja saba zimefungwa.

Kwa upande wake Mwenyekiti wa Halmashauri ya Wilaya ya Chamwino Mh. Samwel A. Kaweya amewataka Madiwani kushirikiana na watendaji ili kuhakikisha kila mwaka Halmashauri inapata Hati Safi na kuendelea kupata fedha za miradi (LCDG) zinazotolewa na serikali.

Mweka Hazina wa Halmashauri ya Wilaya ya Chamwino Bw. Deogratius Philbert akiwasilishwa majibu ya Hoja katika kikao cha Baraza la Madiwani

Mkurugenzi Mtendaji wa Halmashauri ya Wilaya ya Chamwino Bw. A. H. Masasi akitoa ufanunuzi kwenye kikao cha Baraza la Madiwani.

Wakuu wa Idara na Vitengo mbalimbali vya Halmashauri ya Wilaya ya Chamwino wakiwa kwenye kikao cha baraza la madiwani