Mheshimiwa Mayanja Akagua Ujenzi Wa Uzio Chamwino

Imewekwa: April 2nd, 2024

Mkuu wa Wilaya ya Chamwino Mhe. Janeth Mayanja leo April 2, 2024 amekagua maendeleo ya ujenzi wa uzio wa Ofisi za Halmshauri ya Chamwino.

Katika ukaguzi huo Mkuu wa Wilaya ametoa maelekezo ya kufuatwa kwa fundi anayetekeleza mradi huo ikiwemo suala la kuongeza nguvu kazi ili kukamilisha Mradi huu ndani ya mwezi Aprili, 2024.

"Mradi unapaswa kukamilika ndani ya mwezi huu wa nne. Ili kukamilisha mradi ndani ya mwezi huu wa nne, Fundi unapaswa uongeze nguvu kazi. Kazi zisisubili, kule ambako ukuta umekamilika kazi nyingine kama kupiga plasta, rangi na kuweka umeme ziendelee kufanyika "Alisema Mhe. Mayanja.

Naye Mkurugenzi mtendaji Ndg.Tito Philimon Mganwa ameahidi kuyafanyia kazi maelekezo yote yaliyotolewa na Mhe. Mkuu wa Wilaya ili mradi uweze kukamilika ndani ya mwezi huu wa nne kwani vifaa vinavyohitajika tayari vipo eneo la ujenzi.

Aidha, Mwenyekiti wa Halmashauri ya Wilaya ya Chamwino, Mhe. Edson Sweti pia ameahidi kuendelea kufanya ufuatiliaji wa maendeleo ya ujenzi wa uzio huu ili kuhakikisha unakamilika kwa wakati.