Mayanja Asikiliza Kero Za Wananchi Chinangali II, Chamwino

Imewekwa: October 1st, 2024

DC MAYANJA ASIKILIZA KERO ZA WANANCHI CHINANGALI II

Mkuu wa Wilaya ya Chamwino Mh. Janeth Mayanja ameongoza mkutano wa hadhara leo Oktoba 1, 2024 kusikiliza kero mbalimbali za wananchi wa kijiji cha Chinangali II kata ya Buigiri Halmashauri ya Wilaya ya Chamwino.

Mh. Mayanja ameongozana na diwani wa kata ya Buigiri Mh. Keneth Edward Yindi, Mkurugenzi wa Halmashauri ya Wilaya ya Chamwino Ndg. Tito Mganwa na watumishi wengine wa Halmashauri ya Wilaya Chamwino, katika mkutano huo uliofanyika katika ofisi ya kijiji cha Chinangali II.

Akizungumza katika mkutano huo Mh. Mayanja ametoa siku 30 kukamilisha ujenzi wa soko katika kijiji hicho ikiwa ni moja ya kero ya wanakijiji hao kupata eneo la soko la kufanyia biashara zao.

wakati ujenzi huo ukiendeleaa wauza mbogamboga wanaofanya biashara pembezoni mwa barabara iliyo chini ya Wakala Wa Barabara (Tanroads )katika kijiji cha Chinangali II wameelekezwa kuendelea na biashara zao bila kubugudhiwa kwa muda hadi utakapo kamilika ujenzi wa soko katika kijiji hicho.

Aidha, wananchi wa kijiji hicho wamehimizwa kujitokeza kwa wingi kuanzia tarehe 11 hadi 20 Oktoba 2024 katika zoezi la kujiandikisha kwenye daftari ili kushiriki uchaguzi wa serikali za mitaa kuchagua viongozi wao wa kijiji.