Chamwino Yafanya Tathimini ya Hali ya Lishe

Imewekwa: February 3rd, 2021

Halmashauri ya Wilaya ya Chamwino imefanya kikao cha tathimini ya mkataba wa lishe kwa robo ya Pili,  Jana tarehe 02 Februari 2021 kwenye ukumbi wa mikutano wa Halmashauri.  Kikao ambacho kilihusisha Maafisa Watendaji na wadau mbalimbali wa masuala ya lishe kutoka katika Idara za Halmashauri

Akiwasilisha mada kwenye kikao hicho  Afisa Lishe Wilaya Bibi Bernadetha Petro aliwasisitiza Maafisa Watendaji wa Kata kuhakikisha kuwa wanafanya ufuatiliaji wa taarifa za hali ya lishe kwenye kata zao na kuzituma Halmashauri kwa wakati.

Aidha wametakiwa kuhakikisha kuwa suala la lishe linakuwa agenda ya kudumu katika vikao vya kisheria, kuchochea na kuibua fursa za lishe, matatizo na fursa za kutatua matatizo ya lishe kwenye jamii, kuhakikisha mpango kazi wa kata au kijiji unajumuisha afua za chakula na lishe na kukusanya, kutathimini na kujadili taarifa za lishe kutoka kwenye Vijiji au Mitaa.

 Akiwasilisha taarifa yake Afisa Lishe alisema kuwa katika kipindi hiki wamefanikiwa kuongeza idadi ya kata zilizowasilisha taarifa pamoja na kuongeza uelewa kwa Maafisa watendaji wa Kata wa kusimamia shughuli za lishe katika maeneo yao .