KAMATI YA UJENZI YARIDHISHWA MAENDELEO YA UJENZI JENGO LA UTAWALA

Imewekwa: October 20th, 2020

Kamati ya Ujenzi  Halmashauri ya Wilaya ya Chamwino imeridhishwa na hali ya Maendeleo ya ujenzi  wa jengo la Utawala unaoendelea .

Katika kikao cha tathimini ya ujenzi  kilichofanyika leo tarehe 20 Oktoba 2020 kilichoongozwa na Kaimu Mkurugenzi Mtendaji wa Halmashauri ya Wilaya ya Chamwino Bw. Abdul  S. Mbimbi kamati hiyo imejiridhisha  kwa kazi inayoendelea  kwa kuidhinisha  malipo kwa fundi ujenzi ili aweze kuendelea na hatua inayofuata kama ilivyoainishwa kwenye mkataba wa ujenzi huo.

Kwa upande wa fundi ujenzi  Bw. Fidelis Mushi ameishukuru kamati kwa ushirikiano anaoupata kutoka kwao hali inayofanya kazi hiyo kuwa rahisi kwao. Aidha amebainisha mapungufu madogomadogo yanayojitokeza wakati wakuendelea na kazi kama vile kuchelewa kwa vifaa ambapo kwa namna moja au nyingine unaweza kuathiri muda wa ukamilishaji wa jengo kwa wakati kama ulivyo kwenye mkataba.

Kwa upande mwingine Mhandisi wa ujenzi wa Halmashauri wa Wilaya Mhandisi  Juma S. Mtali amemuhakikishia Fundi ujenzi kuwa vifaa vyote vinavyohitajika kwa hatua inayofuata vimeshaagizwa kwa  kwa mzabuni na muda wowote kuanzia sasa vitawasili.