Dkt. Gwajima azifunda Timu za Afya Wilaya

Imewekwa: September 25th, 2020

Naibu Katibu Mkuu Ofisi ya Rais- TAMISEMI, anayeshughulikia Afya Dkt. Dorothy Gwajima,amezitaka timu za Afya za Wilaya kufanya vikao vinavyoibua hoja za msingi zenye mashiko ya kuipeleka sekta ya Afya mbele zaidi.

Amewataka wajumbe wa timu hizo kuwa wanajiandaa na vikao kwa kusoma taarifa za utekelezaji wa kila mjumbe na kuibua hoja na uhusiano wa kila hoja na utendaji wa mjumbe wa eneo lingine ilikuleta mshikamano wa timu nzima kaktika kusukuma  maendeleo ya sekta hiyo na siyo mjumbe mmoja anakuwa anamiliki ajenda yake mwenyewe bila ya uchambuzi wa wengine.

Rai hiyo ameitoa akiwa Wilaya ya Chamwino mkoani Dodoma alipokutana na timu ya Afya ya Wilaya (CHMT) kutathimini hali ya utendaji na uendeshaji wa vikao kama timu moja

 Dkt. Gwajima ameagiza kila mmoja kwa nafasi yake lazima ajione yeye ni timu na siyo mtaalamu peke yake ilikufikia malengo ya kisekta