Chamwino Yapongezwa Ukusanyaji Wa Mapato

Imewekwa: August 23rd, 2023

Mwenyekiti wa Chama cha Mapinduzi Wilaya ya Chamwino Ndugu George Malima ameipongeza Halmashauri ya Wilaya ya Chamwino kwa kufanya vizuri kwenye ukusanyaji wa mapato kwa mwaka wa fedha 2022/2023 na kufikia asilimia 108.

Pongezi hizo amezitoa kwenye Mkutano maalum wa mwaka wa Baraza la Madiwani uliofanyika Agosti 23, 2023 kwenye ukumbi wa mikutano wa Halmashauri.

" Mimi niwapongeze kwa ushirikiano mliouonyesha Madiwani pamoja na wataalam wa Halmashauri kwa kukusanya mapato kwa asilimia 108, siyo jambo dogo. Msingekuwa na mshikamano na umoja msingefikia kwenye asilimia hiyo, hivyo niwaombe Chamwino tuwe wamoja katika kuwatumikia wananchi." Alisema Mwenyekiti wa Chama cha Mapinðuzi.

Aidha amempongeza Makamu Mwenyekiti wa Halmashauri Mhe. Keneth Yindi kwa kuaminiwa na Wahe. Madiwani na kuchaguliwa tena kwa awamu nyingine kwa mwaka wa fedha 2023/2024.

" Kwa kura ulizozipata inaonekana ni jinsi gani kwa kipindi hiki cha mwaka mmoja umewatendea vema Madiwani. Sasa kama ulivyofanya endelea na moyo huohuo wa kumsaidia Mwenyekiti wa Halmashauri kwa ajili ya kuiendeleza Halmashauri hii ya Chamwino." Alisema Mwenyekiti wa Chama cha Mapinduzi.