Chamwino Yapongezwa Ukusanyaji Wa Mapato

Imewekwa: January 28th, 2023

Waheashimiwa Madiwani wameipongeza menejimenti ya Halmashauri ya Wilaya ya Chamwino na viongozi wote kwa jitihada wanazofanya katika kukusahya mapato ambapo mpaka kufikia mwezi desemba 2022 tayari wamekusanya asilimia 62 na kuwa ya kwanza kimkoa.

Hayo yameelezwa kwenye kikao cha Baraza la Madiwani cha robo ya pili kilichofanyika Januari 27, 2023.

Katika kikao hicho pia Mkuu wa Wilaya ya Chamwino Mhe. Gift Isaya Msuya alipokuwa akitoa Salamu za Serikali amezipongeza Idara za Ardhi, Elimu hususani Elimu Msingi, fedha na Afya kwa kufanya vizuri kwenye Idara zao.

Vilevile amezitaka Idara nyingine kujitatimini na kuiga mfano huo kwenye Idara zao, na yeye mwenyewe atakuwa nazo bega kwa bega kuhakikisha zinafanya vizuri.

Mkuu wa Wilaya pia ametumia nafasi hiyo kuelekeza viongozi wote kuhakikisha wanakwenda kushughulikia suala la wanafunzi wa kidato cha kwanza ambao bado hawajalipoti shuleni wanakwenda shule hata kama hawatakuwa na sare za shule. Wazazi waendelee kushughulikia sare za shule watoto wakiwa shuleni

Wahe. Madiwani walimpongeza Mkuu wa Wilaya kwa kuendelea kuaminiwa na Mhe. Rais Dkt. Samia Suluhu Hassan katika nafasi yake hiyo na hivyo kuendelea kuitumikia Halmashauri ya Wilaya ya Chamwino.