Chamwino Yapongezwa Kwakupata Hati Safi

Imewekwa: July 6th, 2023

Mkuu wa mkoa wa Dodoma Mhe. Rosemary Staki Senyamule leo Julai 6, 2023 ameipomgeza Halmashauri ya Wilaya ya Chamwino kwa kupata Hati safi kwa hesabu za Mkaguzi na Mdhibiti Mkuu wa Hesabu za Serikali kwa mwaka wa fedha 2021/2022 ambayo imeipa heshima Halmashauri ya Wilaya ya Chamwino pamoja na Mkoa wa Dodoma.

Pongezi hizo amezitoa kwenye kikao maalum cha Balaza la Madiwani cha kupitia majibu ya hoja hizo kilichofanyika kwenye ukumbi wa mikutano wa Halmashauri.

"Hongereni sana Chamwino ninaamini matokeo haya yanatokana nà ushirikiano chànya uliopo kati yenu Wahe. Madiwani, watendaji wa Halmashauri, viongozi na wadau mbalimbali wa Halmashauri husika. Hivyo nawasihi endeleeni kidumisha uhusiano huo ili kuendelea kuiwezesha Halmashauri ya chamwino kuendelea kupata hati safi kwenye kaguzi zote kama ambavyo imekuwa utamaduni wenu" Alisema Mkuu wa Mkoa.

Sambamba na pongezi hizo Mkuu wa Mkoa amewataka wataalam kuhakikisha hoja zote zilizobaki kufikia Julai 30 zinapatiwa majibu.

Aidha Mhe. Senyamule pia àmeipongeza Halmashauri katika ukusanyaji wa mapato kwa kuvuka lengo. Vilevile ametumia kikao hicho kutoa maelekezo mbalimbali kwa watendaji ikiwemo suala la ukusanyaji wa mapato na utengaji wa 10% za wanawake, vijana na walemavu. Vilevile kutenga fedha 40% kwa ajili ya miradi ya maendeleo.

Vilevile amewaekekeza Wakuu wa Idara za maendeleo ya jamii na Kilimo kushirikiana kwa pa,oja kutoa elimu kwa wananchi kuhusu umuhimu wa kutunza chakula ili kuepukana na tatizo la njaa.

Kuhusu suala la mazingira ameelekeza kila kta kuhakikisha inaotesha kitalu cha miche ya miti kuanzia mwezi huu wa julai kwaajili ya kuipanda kipindi cha mvua kitakapofika.

Sambamba na hilo amemwelekeza Mkuu wa Idara ya Maendeleo ya jamii kushirikiana na Afisa Afya kutoa elimu kwa wananchi kuhusu umuhimu wa kuwa na vyoo vya kudumu.

Katika kikao hicho Mkuu wa mkoa amemshukuru Mhe. Rais Samia Suluhu Hassani kwaFedha nyingi ambazo amezitoa kwenye Mkoa wa Dodoma kwa ajili ya utekelezaji wa miradi ya maendeleo ambayo imeleta manufaa makubwa kwa wananchi.