Chamwino Yang'ara Chanjo ya UVIKO 19

Imewekwa: August 14th, 2022

Halmashauri ya Wilaya ya Chamwino imetunukiwa vyeti viwili maalum kwa kuongoza na kuwa ya kwanza kitaifa kwa 90% ya uchanjaji wa chanjo ya UVIKO 19 na imeongoza kwa halmashauri za mkoa wa Dodoma kwa kuwa na matokeo yasiyoshuka katika utoaji wa chanjo hiyo.

Vyeti hivyo vimekabidhiwa na Mkuu wa mkoa wa Dodoma Mhe. Rosemary Senyamule kwenye kikao cha tathimini  ya utekekezaji wa mkataba wa lishe kwa kipindi cha Julai 2021 hadi Juni 2022 na taarifa ya utekelezaji wa kampeni harakishi ya utoaji wa chanjo ya UVIKO 19.

Kikao kilifanyika ukumbi wa mikutano wa mkuu wa mkoa wa Dodoma Alhamisi wiki hii.

Mkuu wa mkoa ameipongeza Halmashauri kwa kufanya vizuri kwenye zoezi hilo la utoaji wa chanjo ya UVIKO 19.)