Chamwino Yafanya Tamasha Usiku wa Muungano

Imewekwa: April 25th, 2024

Wilaya ya Chamwino imeadhimisha Usiku wa Muungano Aprili 25, 2024 kwa Tamasha la ngoma na burudani mbalimbali na kisha kusikiliza hotuba ya Mhe. Rais Samia Suluhu Hassani lililofanyika viwanja vya stendi alimaarufu kama kibarangoni.

Mgeni rasmi wa Tamasha hilo alikuwa Mkuu wa Wilaya ya Chamwino Mhe. Janeth Mayanja.

Akizungumza katika Tamasha la usiku wa Muungano Mhe. Mayanja amesema Mhe. Rais kukamilisha ujenzi wa Ikulu ya Chamwino ni moja ya mafanikio makubwa ya Jamhuri ya Muungano wa Tanzania.

'Na kama tunavyojua ukamilishaji wa Ikulu ya Chamwino, sisi ni wanufaika wakubwa wa Ikuli ya Chamwino sababu ya uwepo wa fursa mbalimbali, hivyo Dkt. Samia Suluhu Hassan ameiongezea thamani Wilaya ya Chamwino kwa kukamilisha Ikulu." Alisema Mhe. Mayanja.

Alipongeza pia Dkt. Mwinyi Rais wa Zanzibar kwa mashirikiano anayoyafanya kati ya Tanganyika na Zanzibar pamoja na viongozi wote wa awamu zilizopita mpaka awamu hii ya sita kwa kufanya kazi kubwa ya kuimarisha  Muungano.Muungano umekuwa umara zaidi na wa kuigwa Afrika na dunia nzima.