Chamwino Yaweka Mikakati Kuinua ufaulu Darasa la Saba

Imewekwa: July 27th, 2022

Halmashauri ya Wilaya ya Chamwino imeweka mikakati ya kuinua ufaulu kwenye mtihani wa darasa la saba. Mikakati hiyo imewekwa kwenye kikao kazi kilichofanywa na watumishi wa Idara ya Elimu Msingi ngazi ya Halmashauri, Maafisa Elimu Kata na walimu Wakuu.

Kikao hicho kimefanyika leo, Jula 27, 2022 kwenye shule ya msingi Buigiri Blind iliyopo kata ya Buigiri.

Katika kikao hicho mikakati mbalimbali ya kuondoa daraja D na E kwenye matokeo ya mtihani wa Taifa wa darasa la saba imewekwa na walimu wamekubaliana kuisimamia kwa nguvu zote.

Vilevile walimu wameweka mikakati ya kuhakikisha ufaulu wa daraja A unaongezeka kwa kiwango kikubwa ili kuiwezesha Wilaya kufanya vizuri na hivyo kushika nafasi nzuri kwenye matokeo ya Mtihani wa Taifa wa darasa la saba. 

Kikao kiliongozwa na Mkuu wa Idara ya Elimu Msingi Bibi Zaina Kishegwe.